HAUSNARKETATIK EKINTZARA
Lehenengo eta behin, esan beharra dut pozik nagoela gelan ditugun txokoekin beraz mantendu egingo ditugu. Gela bera ere espazio zabala da, non umeak libreki aukeratzen dute nora joan inolako errotaziorik gabe.
Hala ere, ikastaro honetan oso ideia interesgarriak hartu ditut espazioaren antolaketari begira eta egia da, gure eskolan espazio desberdinak sustatu beharrean mailaka 2 gela daudenez , kurtso hasieran bietan espazio berdinak , material antzekoarekin eta jarduera berdinak egotea adostu genuela eta nire ustez ez dauka inolako zentzurik eta gela antolatzeko modu hau aldatu beharko litzateke.
Gure 3 urteko gelen barruan gainera, ate bat daukagu elkar komunikatzeko . Ate hau aprobetxatu beharrean espazio desberdinak antolatzen ( adibidez jolas sinbolikoa eta arte txokoa gela batean eta bestean eraikuntza eta esperimentazio txokoa .. ) bi geletan txoko berdinak errepikatzen ditugu.
Beste aldetik, nahiz eta gela barruan ditudan txokoak umeentzako aproposak iruditzen zaizkidan arren, beti daude hobetu ahal diren gauzatxoak eta hauexek dira pentsatu ditudan aldaketak:
Orokorrean gela zabala daukadan arren, horma guztiak armairuz beteta daude. Batzuk erabilgarriak dira txokoen arteko bereizketa egiteko, materiala gordetzeko... beste batzuk espazioa kentzen digute . Gela garbiagoa egongo bazen, ez litzateke hainbeste estimulaziorik egongo eta umeek atentzio gehiago prestatuko zuketeen aurrean daukaten materialei.
1.- JOKU SINBOLIKOA dagoen espazioan, material gehiegi daukagula iruditzen zait (Egurrezko supermerkatua, sukaldeko tresnak , mahai bat, etxe bat ). Baina, oihalezko trapuak, mozorroak edo ispiluak eta antzezteko toki bat falta zaigula iruditzen zait, irudimena sustatzeko.
2.-MATERIALEI dagokienez, gelan ahal izanez gero, guk prestatutako materialekin jolasten dute umeek . Adibidez jolas txokoan erositako puzzleak egin beharrean, Montesorriren metodología jarraituz guk antolatuako bandejak eskeintzen dizkiegu eta proiektuaren arabera bagoaz hauek aldatzen.
Gainera eraikuntza txokoan plastikozko materialak ( kotxeak…) material naturalez egindakoengatik ordezkatu beharko lirateke (eraikuntza txokoan egurrezko material kapla materiala adibidez, eta kotxeen eta trenen materialen gabriketa)
3. -Bestetik, sormen eta jolas txokoetan mahai handiak daude 6-7 aulkiekin umeak bertan materialekin jolasteko, hala ere, antolaketa horrek espazioa kentzen duen heinean taldeko lana bultzatzen du eta bakarko lana eragozten du. Ume batek bandeja batekin lan egin nahi badu, taldeko mahiara eramaten duenean besteak nahitanahiez sartzen dira berarekin jolastera. Ondo egongo litzateke mahai txikiagoak izatea eta elkartzeko edo banatzeko aukera izatea edo hobeagoa , mahairik ez, espazioa lortuz eta alfombrak modukoak izatea lurrean lan egiteko.
4.- Maila bereko haurren arteko harremana estuagotzeko asmoz, urte biko haurrak, pasabidean dagoen espazio amankomun batean ikasturtean zehar gelaka egiten diren ekintza puntualak elkarrekin egitea pentsatu dugu, besteak beste euskararen egunerako murala, erasoen kontra murala...horrela haurrek beste gelakoekin batera hartuemonetan aritzeko aukera izango dutelarik.
Ikastaro honetatik ideia on asko atera dira eta nire eskolara egokienak eramatea saiatuko naiz!
